حلويات جزائرية

التشاراك العريان



المقادير كالتالي:
3كيلات فرينة+ 2/1 كيلة سكر+ 2 بيض+ كيلة ماشي معمرة زبدة و نطم الكل بماء الورد حتى تنطم ما تكون بزاف طرية نتركها ترتاح شوي هذا بالنسبة للعجينة
اما الحشو : 3كيلات لوز+ كيلة سكر+ قرفة او دارسين + ماس الزهر نطموها بيه
الطريقة: نعمل مثلث ثم نضع شوية حشوة في القاعدة بالطول و نلف من القاعدة الى الراس ثم تلف من الاطراف لتصبح كالهلال ندهنها بصفار البيض ثم يوضع فوقها اللوز و تخبز في الفرن حتى تحمر


الجنجلانية

المقادير : 2كيلة كاوكاو اي فول سوداني مقشر و مطحون مو كثير +2/1 كيلة سكر + فانيليا+ 2/1 كيلة جنجلان وحمص+بيض الى ان ينطم الخليط حوالي 2 الى 3 بيض ثم نفرد العجينة و نقطعها بالشكل اللي نحب انا هنا استعملت نجمة ثم نضعها في بياض البيض ثم الجنجلان الابيض و تخبز في الفرن لكن حذاري يجب ان يبقى ابيض حاولوا انكم ما تخلوها تحمر ثم توضع في العسل فور خروجها ثم توضع في الكاسات


المروحية

نظرا لتشبهها بالمروحية اللي نستعملوها في الاعراس الحقيقة هي نفس طريقة الكفتة للاخت نسرين لكن تقطع الى النصف و توضع الوردة في وسط الحافة , نستسمح من الاخت نسرين صاحبة الرابط التي حلوياتها لا يعلى عليها

الحلوى الخامسة تسمى بالمشمش

المقادير: 2 كيلات لوز مطحون
1/2 كيلة سكر
مبشور حبة ليمون
2 ملعقة كبيرة سمن ذائب
بيض حسب الرغبة

اما الطبقة اللي من الفوق فهي عجينة اللوز
كيلة لوز+ كيلة و نصف سكر ناعم+ ماء الزهر+بياض البيض حتى تنطم و ملون حسب الرغبة

نخلط كل مكونات المقادير الاولى و نقطعها على شكل قلوب نخبزها في درجة حرارة °6 اي 180° ما لازم تحمر ثم ندخلها في العسل و نضعها جانبا
بنفس القالب القلب يشكل على عجينة اللوز ثم نضعها على الاولى و نرفعها من الجهة التحتانية اي من الاسفل ثم نضع الوردة من التحت و ندهن الحلوى من الفوق بقليل من العسل اللي نضع فيه brillant