لا ) تسافر
( لا ) تسافر
انت تسمعني حبيبي ...؟!
انا اقول لك ( لا ) تسافر ...!!
يكفي بعيوني مسافر ...
آآآه ... لو حسيت فيني ...
في حنيني ... في انيني ... ولوعتي ...
ودمعات عيني
كان والله ما تسافر
( لا )
تكفى ( لا ) ...
لا تسافر ياضنيني
الجفى فجر براكيني ... وكنيني
صرت احس برجفة في قلبي ... ورعشة في يديني
الجفى شين ...
الجفى فاجر ... وكافر ...
وانت خابر ...
انا من غيرك اموت ...
أي وربي ... انا ما امزح اموووت
اذا تتركني لحالي وش اسوي ...؟!
ما تعرف الشوق شـ (يسوي) بمجنونتك ...؟!
يعني من جدك تسافر ...؟!
وانا تتركني ... وتعطيني مدينة ...!!
ويش اسوي بالمدينة ...
وانت ياقلبي مسافر ...؟!
انا ما ابغى مدينة
انا يكفيني بقلبك بس (نقطة) وانت خابر
انا طفلة
حتى لو قالوا كبيرة ...
انا ما عندي تجارب
انا ما اعرف كيف ازعل ...
وان زعلت ... شلون ارضى ...؟!
انا بيدينك عجينية ... مو مدينة
انت شكلني بكيفك وانت اشر لي برمشك
وانا والله ماقول إلا ... من عيني ... وحاضر
سوها ...
جرب وناظرضمني لك
بس تكفى ( لا ) تسافر